Sweet Afton Waters

Flow gently, sweet Afton,
amang thy green braes,
Flow gently, I'll sing thee
a song in thy praise;
My Mary's asleep
by thy murmuring stream,
Flow gently, sweet Afton,
disturb not her dream.

Thou stock dove whose echo
resounds thro' the glen,
Ye wild whistly blackbirds
in yon thorny den,
Thou green crested lapwing
thy screaming forbear,
I charge you, disturb not
my slumbering fair.

How lofty, sweet Afton,
thy neighboring hills,
Far mark'd with the courses
of clear winding rills;
There daily I wander
as noon rises high,
My flocks and my Mary's
sweet cot in my eye.

How pleasant thy banks
and green valleys below,
Where, wild in the woodlands,
the primroses blow;
There oft, as mild evening
weeps over the lea,
The sweet-scented birk shades
my Mary and me.

Thy crystal stream, Afton,
how lovely it glides,
And winds by the cot where
my Mary resides;
How wanton thy waters
her snowy feet lave,
As, gathering sweet flowerets,
she stems thy clear wave.

Flow gently, sweet Afton,
amang thy green braes,
Flow gently, sweet river,
the theme of my lays;
My Mary's asleep
by thy murmuring stream,
Flow gently, sweet Afton,
disturb not her dreams.

Robert Burns

John Anderson My Jo

John Anderson my jo, John,
When we were first acquent;
Your locks were like the raven,
Your bony brow was brent;
But now your brow is beld, John,
Your locks are like the snaw;
But blessings on your frosty pow,
John Anderson my Jo.
John Anderson my jo, John,

We clamb the hill the gither;
And mony a canty day, John,
We've had wi' ane anither:
Now we maun totter down, John,
And hand in hand we'll go;
And sleep the gither at the foot,
John Anderson my Jo.

Robert Burns

A Red, Red, Rose

O, my Luve's like a red, red rose,
That's newly sprung in June.
O, my luve's like the melodie,
That's sweetly play'd in tune.
As fair art thou, my bonie lass,
So deep in luve am I,
And I will luve thee still, my Dear,
Till a' the seas gang dry.

Till a' the seas gang dry, my Dear,
And the rocks melt wi' the sun!
O I will luve thee still, my Dear,
While the sands o' life shall run.

And fare thee weel, my only Luve,
And fare thee weel a while!
And I will come again, my Luve,
Tho' it were ten thousand mile!

Robert Burns

Bonnie Lesley

O, saw ye bonnie Lesley,
As she gaed o'er the border?
She's gane like Alexander
To spread her conquests further,
To see her is to love her,
And love her but forever,
For Nature made her what she is,
And ne'er made sic anither.

Thou art a queen, fair Lesley,
Thy subjects we before thee:
Thou art divine, fair Lesley,
The hearts of men adore thee.
The de'il he cou'dna skaith thee,
Or aught that wad belang thee,
He'd look into thy bonnie face,
And say, I canna wrang thee.

The powers aboon will tent thee,
Misfortune sha'na steer thee;
Thou'rt like themsels sae lovely
That ill they'll ne'er let near thee.
Return again, fair Lesley,
Return to Caledonie!
That we may brag, we hae a lass,
There's nane again sae bonnie.

Robert Burns

O, Were My Love

O, were my love yon lilac fair
Wi' purple blossoms to the spring,
And I a bird to shelter there,
When wearied on my little wing.
How I wad mourn when it was torn
By Autumn wild and Winter rude!
But I wad sing on wanton wing
When youthfu May its bloom renew'd.
O, gin my love were yon red rose,

That grows upon the castle wa',
And I mysel a drap o' dew
Into her bonie breast to fa',
O, there, beyond expression blest,
I'd feast on beauty a' the night,
Seal'd on her silk-saft faulds to rest,
Till fley'd awa by Phoebus' light!

Robert Burns